राज्यातील व्यावसायिक अभ्यासक्रमांसाठी प्रवेश घेणाऱ्या
आर्थिकदृष्टया दुर्बल घटकातील विद्यार्थ्यांसाठी राबविण्यात येत असलेल्या राजर्षी
छत्रपती शाहू महाराज शिक्षण शुल्क शिष्यवृत्ती योजनेंतर्गत शासन निर्णयान्वये
निश्चित करण्यात आलेल्या खालील निवडक व्यावसायिक अभ्यासक्रमांसाठी विहित अटी व
शर्तींनुसार शासकीय व शासन अनुदानित (शासकीय अभिमत विद्यापीठांसह) व खाजगी
विनाअनुदानित (खाजगी अभिमत/स्वयं अर्थ सहाय्य विद्यापिठे वगळून)
महाविद्यालये/तंत्रनिकेतनांमध्ये शासनाच्या सक्षम प्राधिकऱ्यामार्फत केंद्रिभूत
प्रवेश प्रक्रियेद्वारे प्रवेश घेणा-या आर्थिकदृष्टया मागास प्रवर्गातील ज्या
विद्यार्थ्यांच्या कुटुंबाचे वार्षिक उत्पन्न रु. 6 लाख किंवा त्यापेक्षा कमी आहे,
अशा विद्यार्थ्यांना (व्यवस्थापन कोटयातील प्रवेशित विद्यार्थी वगळून ) शिक्षण
शुल्काच्या आणि परीक्षा शुल्काच्या 50 टक्के इतकी शिष्यवृत्ती देण्यात येते.
उच्च व तंत्र शिक्षण विभाग अभ्यासक्रम
पदविका: अभियांत्रिकी, औषधनिर्माणशास्त्र, हॉटेल मॅनेजमेंट अँड कॅटरिंग टेक्नॉलॉजी
पदवी: अभियांत्रिकी,औषधनिर्माणशास्त्र, हॉटेल मॅनेजमेंट अँड कॅटरिंग टेक्नॉलॉजी,
वास्तुशास्त्र.
पदव्युत्तर पदवी: मास्टर ऑफ बिझिनेस मॅनेजमेंट / मास्टर ऑफ मॅनेजमेंट स्टडीज,
मास्टर ऑफ कंम्प्युटर अप्लिकेशन, मास्टर ऑफ फार्मसी